RU

Последние новости

21:30Бундеслига. "Байер" 90+1 дақиқада урилган гол эвазига ғалаба қозонди, "Боруссия Дортмунд"да эса 4:1  0 21:23Суперлига. "Нефтчи" голларга бой ўйинда камбэк эвазига "Навбаҳор"ни мағлуб этди  110 21:18Ла Лига. "Реал" "Сантьяго Бернабеу"да "Валенсия"га мағлуб бўлди, Дуро 90+5 дақиқада ғалаба голини урди  76 21:00Эрон Про Лигаси. "Нассажи Мозандарон" меҳмонда "Мес Рафсанжан" билан дуранг ўйнади, Яхшибоев 77 дақиқа ҳаракат қилди  2 20:13Суперлига. "Шўртан" — "Насаф" 0:2 (матнли трансляция)  13 20:04Томас Мюллер "Бавария"ни тарк этишини эълон қилди  5 18:57ҚПЛ. Асқаров ва Умаров "Турон"га камбэк эвазига ғалабани тақдим этди  3 18:40"Нефтчи" — "Навбаҳор". Таркиблар маълум  12 18:37"Персеполис" — "Истиқлол Ҳузистон". Ўрунов асосий таркибда  11 18:30АПЛ. "Арсенал" "Эвертон"га қарши ўйинда очко йўқотди  12 17:53U-17 Осиё Кубоги. Ўзбекистон Хитойга қарши оқ либосда ўйнайди  1 17:39Туркия Суперлигаси. "Ризеспор" ва "Сивасспор" ўзаро дуранг ўйнади, Алиқулов тўлиқ ҳаракат қилди, Турғунбоев эса...  3 17:32Аёллар футболи. Ўзбекистон халқаро турнирда Хитойга йирик ҳисобда мағлуб бўлди  4 16:57РПЛ. "Рубин" "Крилья Советов"га қарши ўйинда 88-дақиқада пенальтидан урилган гол эвазига мағлубиятдан қутулиб қолди, Ашурматов 90+4 дақиқада захирадан ўйинга қўшилди  1 16:36"Истиқлол" стадиони "Нефтчи" — "Навбаҳор" ўйинига тайёр  5

"Насаф" - "Навбаҳор" учрашуви олдидан Новости

"Насаф" - "Навбаҳор" учрашуви олдидан

"Насаф" бугун Олий лиганинг 23-тур доирасида Наманганнинг "Навбаҳор" жамоасига қарши саф тортади.


"Навбаҳор" жамоаси Қаршига яхши мақсадлар ила ташриф буюргани аниқ. Бироқ уларнинг мақсадлари жамоамизнинг режаларини бузиб қўймайди. "Насаф" ўз мухлислари қаршисида "Навбаҳор" қаршилигини енгишга ҳаракат қилади. "Аждарлар" ҳисобида ҳозирда 48 очко мавжуд ва жамоамиз турнир жадвалида учинчи поғонани эгаллаб турибди. "Навбаҳор" эса Қарши сафаригача 22 ўйинда майдонга тушиб, 25 очко эгасига айланишган ва мусобақа жадвалида 11-поғонада боришмоқда.

Ушбу жамоаларнинг ўзаро ўйинлар тарихи ҳақида қуйида хабар бериб ўтгандик.

Барчага маълумки, "Насаф" ҳамда "Навбаҳор" жамоалари ўртасидаги ҳар қандай мусобақадаги ўйин қизғин ва кескин курашларга бой тарзда кечади. Ушбу жамоалар ўртасидаги баҳс принципиал аҳамиятга эга. Азалий рақиблар тўқнашуви жамоаларнинг турнир жадвалидаги мавқеидан қатъий назар, мухлисларга шиддаткор футболни тақдим этиб бериши ҳеч кимга сир эмас.  


Йўқотишлар

Бу ўйинда меҳмонлар ўзларининг олти нафар футболчилари хизматидан фойдалана олишмайди. Алишер Саматов, Санъат Шихов, Дилшод Жабборов ва Шаҳбоз Эркиновнинг сариқ карточкалари сони тўрттага етганлиги боис ўйинни қўйиб юборишади. Шунингдек, "лочинлар" ҳимоячиси Қаҳрамон Маҳаммаджонов қўлини синдириб олганлиги боис учрашувда қатнаша олмаса, ярим ҳимоячи Азим Аҳмедов ҳам бетоблиги туфайли бу баҳсда жамоасига ёрдам бера олмайди.

"Насаф" таркибида ҳам баъзи йўқотишлар мавжуд. Жамоамизнинг универсал футболчиси Фарруҳ Сайфиевнинг огоҳлантиришлари сони тўрттага этгани боис бу ўйинда "аждарлар"га кўмаклаша олмайди. Жамоа марказий ҳимоячиси Ҳамза Каримов ҳам жароҳатидан тўлиқ фориғ бўлгани йўқ. Ўтган турда "Локомотив" билан бўлган беллашувда жароҳати безовта қилиб алмаштирилган Азамат Алланиязовнинг аҳволи яхши ва "аждарлар"нинг иккинчи даврадаги энг яхши "снайпери" "лочинлар" билан бўладиган баҳсда майдонга тушиши мумкин.


Ўтган турдаги омадсизлик

Ўтган тур ҳар иккала жамоа учун омадсиз бўлди. "Навбаҳор" ўз майдонида "Пахтакор"га, жамоамиз эса сафарда "Локомотив"га кичик ҳисобда мағлуб бўлишди.
Рўзиқул Бердиев бошчилигидаги жамоамиз бу сафар ўз мухлисларини хушнуд этади деган умиддамиз.

Чемпионат ўзининг ҳал қилувчи, қизғин палласига кирди. Энди ҳар бир очко муҳим аҳамият касб этади.

"Насаф" буёғига юқори мақсадлар сари олға интилишда давом этади.


Тарихий голни ким уради?

Жамоамизнинг ҳозирги кунгача Олий лигадаги киритган голлари сони 999тага етган. Юбилей, 1000-голни катта эҳтимол билан "Насаф" - "Навбаҳор" ўйинида кўришимиз мумкин бўлади. Жамоамизнинг юбилей голини ким уради деган савол кўпчиликни қизиқтираётган бўлса ажаб эмас. Мухлисларимизни эса тарихий воқеани ўз кўзлари билан кўришлари учун бугун бўлиб ўтадиган "Насаф" - "Навбаҳор" учрашувига чорлаб қоламиз.

Ўйин соат 18:30да, Қарши шаҳридаги "Марказий" стадионда бошланади.

"Насаф" жамоаси ҳар доим ўз суюкли мухлисларининг қўллаб-қувватлашларини қадрлайди ва уларнинг кўмагини юқори баҳолайди.

Стадионда ажойиб муҳит яратилса, футболчиларимиз ҳам шунга монанд чиройли ва шиддатли футболни намойиш этиб беришади.

Барча мухлисларни стадионда кутамиз!

ОЛҒА, "НАСАФ"!

Рейтинг: +8   

Комментарии

championat.asia
< посмотреть последние новости
Яндекс.Метрика