“Насаф” клуби ўз мухлисларини қадрлайди

“Насаф” футбол клубининг ташкил бўлгандан буён ашаддий мухлиси бўлган, эллик йилдан ошиқ ёшларга таълим ва тарбия берган устоз, қишлоқ хўжалик фанлари номзоди, доцент. Ўзбекистонда хизмат кўрсатган пахта устаси, мухлислар клубининг фаол аъзоси Чори Аслановнинг муборак 75 ёшга тўлганлиги стадионда ўзгача нишонланди. У кишига ҳурмат ва эҳтиром учун миллий тўнимиз кийдирилди, эсдалик совғалари топширилди. Стадион суҳандони у кишига “Насаф” ПФКнинг табригини ўқиб эшиттирди. “Марказий”га ташриф буюрган футбол шайдолари у кишини тик туриб узоқ олқишлашди.

Бу тадбир “Насаф” ПФК мухлислар клуби ташаббуси билан ташкил этилди.

Устозимиз ва мухлисимиз Чори Асланов 75 ёшга тўлсада, “Насаф”нинг ҳоҳ ўз майдонидаги, ҳоҳ сафардаги ўйинларини томоша қилишни ҳеч қачон канда қилмайдилар. У киши ёш мухлисларимизни футболга қизиқтиришда ўрнак ва уларга устозлик қилмоқдалар.

“Насаф” ПФК ўзининг шундай мухлислари борлигидан фахрланади ва бундай мухлисларини доимо қадрлайди.

Ҳурматли устозимиз ва мухлисимиз Чори Аслановнинг 75 ёшга тўлганлиги муносбати билан бутун “Насаф” ПФК жамоаси номидан, клубимизнинг кўпмингсонли ишқибозлари номидан самимий табриклаймиз! У кишига сиҳат-саломатлик, узоқ умр тилаб қоламиз. Клубимиз билан доимо бирга бўлишда чарчаманг деб, қоламиз.

Бугун яна тўрт нафар “Насаф” футбол клубининг ашаддий ишқибозлари Жавлон Жамолов ва Элдор Нарзуллаев, Қаҳрамон Рўзиқулов ва Улуғбек Амирқуловлар бу йилги чемпионатнинг биринчи даврасидаги “Насаф” клубининг энг фаол мухлислари” сифатида эътироф этилди. Уларга эсдалик учун махсус футболкалар топширилди.

“Насаф” футбол клуби доимо ўз мухлисларини ана шундай қадрлайди.