"Насаф" дарвозабонлар мураббийи Польшага жўнаб кетди

Бу ҳақда клуб матбуот хизмати хабар берди.

Мураббий Польша пойтахти Варшава шаҳрида жойлашган "GOALKEEPER" номли дарвозабонлар мактабининг президенти, жаноб Сергей Шиповскийнинг таклифига кўра, 1 июль куни бўладиган ёш дарвозабонлар ўқув-йиғинида иштирок этади.

Йиғинда Европа, Россия, Украина, Беларус ва АҚШдан ташриф буюрган юзга яқин ёш дарвозабонлар иштирок этишади. Денис Иванков йиғинда мураббий-йўриқчи (мураббий-инструктор) сифатида иштирок этади.

"Албатта бу – ўзбек футболига, қолаверса "Насаф" футбол клубига ва мураббийимиз Денис Иванковга нисбатан жаҳон миқиёсидаги эътирофдир", - дейилади клуб расмий сайтида берилган хабарда.