"Насаф": Бугун “Қўқон-1912” билан ўйнаймиз

ЎзПФЛ 16-тур

“Насаф” (Қарши) – “Қўқон-1912” (Қўқон)
06.08.2017. “Марказий” стадион. 19:30да
Бош ҳакам: Владислав Цейтлин (Тошкент)
Ёрдамчи ҳакамлар: Александр Сидоров (Тошкент), Дониёр Сайлалов (Тошкент)
Захира ҳаками: Дилшод Каримов (Тошкент)
Назоратчи: Дмитрий Роман (Тошкент)
ЎзПФЛ вакили: Роман Черников.
 
Бу учрашув жамоаларнинг олий лигадаги ўзаро 16-учрашуви бўлади. Мазкур жамоалар чемпионатда умуман ўзаро  дуранг ўйнашмаган. Шубҳасиз, бугун “аждарлар” ғалаба учун майдонга тушишади. Бу ғалаба “Насаф”ни турнир жадвалида 2-поғонага кўтарилиб олишига имкон яратади.

Қизиқарлиси, бу йилги футбол мавсумида жамоалар ўзаро тўртинчи бор туқнаш келишмоқда. Шулардан иккитаси кубок баҳслари бўлса, бугун чемпионатнинг иккинчи учрашувидир.

“Насаф” ва “Қўқон-1912” бир-бирларини жуда яхши ўрганиб бўлди. Бу ҳам ўйинга қизиқишни ортириши турган гап.

Бугун якшанба – дам олиш куни. Янгиланган мисли Европача кўринишга эга бўлган “Марказий” стадион, Сиз футбол ишқибозларини кутмоқда.

Шундай экан, “Марказий”га ташриф буюринг, стадиондаги ўзгаришларга гувоҳ бўлиш билан бирга, муросасиз футбол учрашувини ҳам томоша қилинг. Мароқли ҳордиқ чиқаринг.