“Наполи” Мертенс билан келиша олмаяпти
16 апр 2018 23:07
Новости

“Наполи” Мертенс билан келиша олмаяпти

Ҳужумчи Дрис Мертенс мавсум якунланганидан сўнг “Наполи”ни тарк этиши мумкин.

Calciomercato.com сайти хабарига кўра, футболчи ва клуб раҳбарияти янги шартнома бўйича келиша олмаяпти. Музокаралар икки ойдан бери давом этмоқда.

“Наполи” президенти Аурелио Де Лаурентис Мертенснинг шартномасидаги 28 миллион евролик товон пули бандини олиб ташламоқчи. Бельгияликни харид қилмоқчи бўлган клуб айнан шунча пул тўлаши керак.

Май ойида 31 ёшга тўладиган Мертенснинг ўзи фаолиятини Испания ёки Англия чемпионатида давом эттириш истагини билдирмоқда. Амалдаги келишув 2020 йилнинг 30 июнь куни якунига етади.