Мюнхендаги турнирда "Uzbek United" ғолиб бўлди
17 июл 2017 12:52
Новости

Мюнхендаги турнирда "Uzbek United" ғолиб бўлди

Теги : Uzbek United

Бугун Германиянинг Мюнхен шаҳрида турли хил миллатлардан ташкил топган 18та жамоа иштирокида 6x6 форматда “ФК Мюнхен Киcкерс 06" жамоасининг анъанавий ҳисоб бўйича 11-футбол турнири бўлиб ўтди.

Ушбу турнирда Мюнхен шаҳрида таълим олаётган ва касбий фаолият юритаётган ўзбеклар ҳам 2та жамоа билан иштирок этишди.

Турнир регламентига кўра жамоалар 2 гуруҳга бўлинган ҳолда ўзаро майдонда тўп тепишди. "А" гуруҳида "Uzbek United" жамоаси рақибларни ишончли тарзда мағлубиятга учратиб 1-ўринда ярим финалга йўл олди. Ярим финалда эса ушбу жамоа "Б" гуруҳидан 2-ўринни олган немислардан ташкил топган “ФК Мюнхен” жамоасини 3:1 ҳисобида енгиб финалга йўл олди. Финалда руминияликлардан ташкил топган, турнирнинг бир неча бор ғолиблигини қўлга киритган "FC Angry Birds" жамоаси билан жанговор 0:0 ҳисобида дуранг қайт этилди ва натижада ғолиб аниқлаш пенальтилар сериясига қолди. Футбол лотореясида "Uzbek United" жамоасига омад кулиб боқди ва 2:0 ҳисобида енгиб чемпионликка эришди. Турнир давомида "Uzbek United" ҳужумчиси Аброр Шоназаров 12та голи билан энг яхши тўпурар номинациясида ғолибликни қўлга киритди

Абдурашид Насирдинов
Мюнхен, Германия.