Музаффар Абдуллаев: "Биринчи ўринни олмоқчимиз"

Дастлабки турда Бухоронинг "Бухоро" жамоаси ўз уйида "Қўқон-1912" жамоасини қабул қилади. Ушбу учрашув олдидан "Қўқон-1912" клуби дарвозабони Музаффар Абдуллаев ўз фикрларини билдириб ўтди.

"Янги мавсумга жиддий тайёргарлик кўрдик. Барчаси биз ўйлаганимиздек режа асосида кетмоқда. Бу йилги суперлигага жуда ҳам қаттиқ тайёргарлик кўрдик. Бу йилги мавсумда ҳеч бир жамоага осон бўлмайди. Ҳар бир учрашувда ғалаба қозониш учун майдонга чиқамиз. Жамоа билан биринчи ўрин учун кураш олиб борамиз. Эртага "Бухоро" жамоасига қарши биринчи турни ўтказамиз. Ушбу ўйинга жиддий тайёргарлик кўряпмиз. Ушбу учрашувга тайёрмиз. Ҳар доим биринчи ўйин қийин бўлади. Бизни "Бухоро"да қандай ўйин кутиб турганини барча кутиб турибди. Чемпионатни ғалаба билан бошламоқчимиз. "Бухоро" анча яхши шаклланган жамоа. Бу йил ушбу жамоада янги номлар пайдо бўлган. Ҳеч бир жамоага "Бухоро"да баҳс олиб бориш осон бўлмайди", - дейди Музаффар Абдуллаев.

Жаҳонгир Сотволдиев ёзиб олди