Мундиал олдидан. Элдор Шомуродов: "Тўпурар бўлиш ниятидаман"

"Яхши тайёргарлик кўрганмиз. Натижа ва яхши ўйин кўрсатиш учун кетмоқдамиз. Ҳамма имконият ва шароит яратиб берилди. Тайёргарликни кучли тарзда олиб бордик дея оламан. Бизнинг жамоани соврин олиши учун имкониятимиз етади" , - дейди Элдор Шомуродов.

- Гуруҳ босқичида жамоалар имкониятини қандай баҳолайсиз?

- Бу ёшлар ўртасида жаҳон чемпионати ва шу боис ҳаммамизда имконият бир хил. Рақибларни имкониятини кўриб чиқдик. Умуман ҳамма жамоа бир хил. Кучли ва фаворит жамоа йўқ. Дахшатли жамоани кўрмадим.

- Ўзингиз учун Жаҳон чемпионатидан нималарни кутмоқдасиз?

- Биринчи навбатда терма жамоамизнинг муваффақияти. Хориж мураббийлари назарига тушиб Европага йўл олишни мақсад қилганман. Жаҳон чемпионатида тўпурар бўлмоқчиман. Ҳужум чизиғимиздан рақобат кучли. Сардор Азимов, Равшан Хурсанов, Забихулла Ўринбоев каби ҳужумчиларимиз ҳам бор. Улар билан ўйнаш мен учун қийинчилик туғдирмайди. Нафақат "Бунёдкор" клуби аъзолари балки бошқа футболчилар билан ҳам аллақачон бир жамоа бўлганмиз. Кўп вақтдан буён машғулотларни бирга олиб борганмиз ва аҳил жамоага айланганмиз.