Муҳаммадамин Турғунбоев STORM Gaming аъзосига айланди

Қувонарлиси ўзбекистонлик ўйинчи ҳам ушбу жамоанинг аъзосига айланди. 2015 йилда Россияда ўтган турнирнинг вице-чемпиони Муҳаммадамин Турғунбоев (Ali Bebeto) STORM Gaming ўйинчиси сифатида таништирилди.

"Биз барча ўйинчиларни тўлиқ кузатиб боряпмиз, шу сабабли ўзингизни кўрсатинг ва биз сизни STORM Gaming жамоасига таклиф қилишимиз мумкин. Биз танлаган ўйинчилар ҳозирча синов муддатида. Тез орада 5x5 форматида ўзимиз ташкил этган турнир ҳақида эълон қиламиз" - дейилади STORM Gaming баёнотида.

Ушбу жамоа аъзосига айланган ўйинчи нималарга эга бўлади?

1. Барча соҳада ташкилот томонидан қўллаб-қувватланади (маош, бонуслар).

2. Энг муҳим турнирларда иштирок этиш (ўйинчининг вазифаси энг юқори ўйин даражасини кўрсатиш).

3. Сизни киберфутболда ва фаолиятингиз якунидан сўнг бошқа соҳада ўсишингизга ёрдам бериш.

4. Техник ёрдам (консоль, падлар, шнурлар ва ҳоказо).

5. Ҳар бир ўйинчи билан шартнома индивидуал тарзда муҳокама қилинади ва тузилади.