RU

Последние новости

10:05Луис Суарес Лига кубоги финалида рақибига тупургани учун МЛСда учта ўйинга дисквалификация қилинди  0 09:38Расман. АПЛдаги илк истеъфо содир бўлди  4 08:55Бугун U-17 терма жамоамиз Марокашга қарши майдонга тушади  3 08:26Бугун Ўзбекистон U-23 терма жамоаси Осиё кубогига йўлланма олиши мумкин  4 07:58ЖЧ-2026. Яна бир терма жамоа мундиал йўлланмасини қўлга киритди  2 07:30Юртбошимиз ташриф буюрган, Ўзбекистон МТЖ чемпионликни қўлга киритган мусобақанинг тақдирлаш маросимидан ФОТОГАЛEРEЯ  2 07:13CAFA Nations Cup-2025. Ўзбекистон - Эрон 1:0  18 02:00ЖЧ саралаши. Италия Исроил дарвозасига 5та гол урди, Швеция кутилмаганда мағлубиятга учради  10 00:42CAFA Nations Cup-2025. Энг яхшилар аниқланди ва ғолибга соврин топширилди  44 00:30Муҳаммадрасул Абдумажидов Бельгия клубига ўтмайди  5 00:14Славен Билич Ўзбекистон терма жамоаси бош мураббийига айланиши мумкин  80 00:05Тимур Кападзе: "Эрон терма жамоаси қачон рози бўлган ўзи?"  132 23:00Қозоғистон Президенти Тоқаев: "Футбол клубларини хусусийлаштириш бўйича ишларни тезлаштириш керак. Бусиз футбол ривожланмайди"  4 21:50"CAFA Nations Cup-2025". Ўзбекистон терма жамоаси 13 йилдан сўнг Эронни ютди ва турнир ғолибига айланди  1045 20:32Шавкат Мирзиёев Жанни Инфантинога “Дўстлик” орденини топширди  20

Моуриньо "қурбон қилган" 10 нафар футболчи Новости

Моуриньо "қурбон қилган" 10 нафар футболчи

Келажаги порлоқ, истеъдодли сифатида эътироф этилган ушбу футболчилар Жозе Моуриньо қўл остида ўз имкониятларини намойиш эта олмаганлар.

10. Ҳамид Олтинтўп. 2011 йилнинг май ойида "Реал" сафига бориб қўшилган. Ўша йилнинг сентябрида жамоа сафида дебют қилган футболчи 2012 йилнинг январигача асосий таркибда майдонга тушмайди. У Жозе қўл остида мавсумнинг асосий қисмини заҳирада ўтказиб юборган.


9. Мохамед Салах. "Базел"дан "Челси" сафига бориб қўшилган мисрлик футболчи ҳам лондонликлар сафида асосий таркибдан ўрин ола билмади. Лекин, у айни пайтда жамоадан кетиб, "Фиорентина" сафида ажойиб ўйин кўрсатмоқда.


8. Хуан Куадрадо. Колумбиялик футболчи январ ойида 31 миллион евро эвазига "Челси" сафига бориб қўшилгач, барча Азар-Куадрадо жуфтлиги рақиблар учун бошоғриққа айланиши кутилганди. Лекин, Моуриньо Куадрадога етарли имкон бермаяпти.


7.Нури Шахин. Нури Шахин "Боруссия Д" сафидан "Реал"га бориб қўшилганди. Аммо, туркиялик футболчи жамоа савиясига тўғри келмасди. 


6. Лассана Диарра. 2009 йилда 20 миллион евро эвазига "Портсмут"дан "Реал"га кўчиб ўтган франциялик ярим ҳимоячи тез орада мадридлик мухлисларнинг ёқимтойига айлана олганди. Бироқ, 2010 йилда португалиялик мураббий жамоага келиши билан у заҳира футболчисига айланди қолди. Ўшанда жамоага Сами Хедира бориб қўшилганди.


5. Хуан Мата. Испаниялик ажойиб футболчи ҳам Моуриньонинг "қурбон"ларидан бири. У Матага эмас, Оскарга ишонч билдирган. Шу сабабли, моҳир футболчи заҳира ўриндиғида анча вақтини ўтказди.


4. Серхио Каналес. "Реал"дек жамоада асосий таркибдан ўрин олиш қийин. Айниқса ёш бўлсанг... "Расинг"нинг собиқ футболчиси ёш бўлажак юлдуз футболчилардан бири бўлиши таҳмин қилинганди. Лекин, португалиялик мураббий потенциали юқори бўлган ушбу футболчига имконият беришни истамаган.


3. Кака. "Реал" 2009 йилда Кака учун 68,5 миллион евро тўлаганди. Ўша пайт "Олтин тўп-2007" соҳиби энг қимматбахо футболчилардан бири ҳисобланарди. У дастлабки мавсумда ўзидан кутилган ўйинни намойиш эта олди. Бироқ... Жозе жамоага келиши билан Кака асосий таркибдаги ўрнини йўқотди. Бунга шунингдек, унинг жароҳати ҳам сабаб бўлган.


2. Икер Касильяс. Испания терма жамоасининг икки маротаба Европа чемпиони, бир маротаба Жаҳон чемпиони бўлишига ўзининг катта ҳиссасини қўшган посбон. Моуриньо аввалига заҳира дарвозабони Антонио Аданга ишонч билдирди. Кейин эса, "Севилья"дан Диего Лопес ҳарид қилинди. Шу тариқа Икер португалиялик мураббий қўл остида асосий таркибда ўйнай олмади.


1. Педро Леон. Жозе Моуриньо клуб тарбияланувчиси бўлган ушбу футболчини фойдасизликда айблаган. Футболчи ва мураббий ўртасидаги муносабатлар ҳеч қачон яхши бўлмаган. У 2010/11 йилги мавсумда бор-йўғи 132 дақиқа ҳаракат қилган. Келажакда юлдуз бўлиши кутилган Леонга Жоже томонидан умуман имконият берилмаган.


Ҳориж сайтлари асосида Азиз Тўхтамуродов тайёрлади

Рейтинг:    

Комментарии

championat.asia
< посмотреть последние новости
Яндекс.Метрика