"Mixed zone". Драган Черан: "Наманганликларга қарши ўйин доим қийин бўлган"
18 мар 2023 10:00
Новости

"Mixed zone". Драган Черан: "Наманганликларга қарши ўйин доим қийин бўлган"

Суперлига учинчи турининг марказий баҳси "Пахтакор" - "Навбаҳор" учрашувидан сўнг (2:1) "шерлар" сардори Драган Черан ўйин ҳақидаги фикрлари билан бўлишди.

- Жамоа дастлабки икки учрашувда мағлуб бўлди. Сиз жамоанинг етакчиси сифатида ҳам яхши ўйин намойиш эта олмадингиз. Бугунги ўйинга қандай тайёргарлик кўрган эдингиз?

- Дастлабки икки учрашувда бизга ҳоҳиш етишмади деб ўйлайман, бугун эса биз ғалабани кўпроқ ҳоҳлаган эдик ва шу сабаб ғалаба қозондиқ. Бизда маҳорат етарлича, биз фақатгина эътиборли бўлишимиз керак. Менимча бу бизнинг мавсумдаги биринчи яхши ўйинимиз.

- Бугунги жамоа намойиш этган ўйинга баҳо бериб ўтсангиз...

- Наманганликларга қарши ўйнаш ҳар доим қийин бўлган. Ўйин курашларга бой ўтди ва бугунги ўйинда ким қандай ўйин намойиш этгани муҳим эмас, муҳими ғалаба ва қўлга киритилган 3 очко. Олдинда 2 хафталик танаффус бор ва шундан сўнг яна ўйинлар давом этади. Энг муҳуми бугун ғалаба қозондик, энди натижаларни яхшилашда давом этамиз. Наврўз билан барчани табриклайман.