Мирко Еличич: "Жамоам ҳақиқий футбол намойиш этганидан хурсандман"
11 июн 22:02
Новости

Мирко Еличич: "Жамоам ҳақиқий футбол намойиш этганидан хурсандман"

Про лиганинг тўққизинчи туридан ўрин олган "Арал" ва "Олимпи" ўртасидаги ўйиндан сўнг меҳмонлар бош мураббийи Мирко Еличич матбуот анжуманида қатнашди.

“Ўйин қийин кечишини билардик. Рақиб жамоа бироз ноқулай футбол ўйнайди. Мен эса ўз жамоам ҳақиқий футбол намойиш этганидан хурсандман. Ёш футболчилар бугун яхши ўйин намойиш этди. “Арал” эса анча йилдан бери бирга ўйнаб келаётган жамоа. Уларга қарши ўйинда ғалаба қозониш қийин. Менинг назаримда, биз бугун яхшироқ ҳаракат қилдик” - деди Мирко Еличич баҳс якунлангач.

- Сўнгги ўйинларда жамоа кўп вазиятлар яратмоқда, аммо реализация масаласида муаммолар бор. Бунга сабаб нима?

- Деярли барча ҳужумчиларимиз 2007 йилда туғилган йигитлар, фақатгина бир футболчидан ташқари. Улар ўз ёш тоифасида яхши ўйинлар намойиш этмоқда, аммо тажрибали ҳимоячиларга қарши ўйнаш ҳам осон эмас. Улар жисмоний жиҳатдан ҳам анча бақувват, шунинг учун бироз қийин бўлмоқда. Машғулотларда ишламоқдамиз, аммо ўйин жараёнидаги вазиятни машғулотларда такрорлаб бўлмайди.

Ссылка :

Источник : championat.asia

Получайте новости прямо в Telegram!

Рейтинг: