Миржамол Қосимов: "Ўзига яраша жанг бўлди"
22 ноя 2016 19:25
Новости

Миржамол Қосимов: "Ўзига яраша жанг бўлди"

Бугун чемпионатимизнинг сўнгги 30-тур учрашувлари бўлиб ўтди. Ушбу турда Тошкентнинг икки жамоаси "Пахтакор" ҳамда "Обод" клублари ўзаро беллашишди.

Шиддатли кечган учрашувда томонлар муроса йўлини танлашди (1:1). Ушбу баҳсдан сўнг "Обод" жамоаси футболчиси Миржамол Қосимов ўз фикрларини билдирди.

"Бугун "Пахтакор"га қарши мухлисларга ёқадиган ўйин бўлди, деб ўйлайман. Аввалги йиллари чемпионатда бош соврин учун қизиқарли кураш кечган бўлса бу йил қуйидаги жамоалар элитада қолиш учун ҳам қизиқарли учрашувларни ўтказди. Ўзига яраша жанг бўлди. Элитада қолишни бутун жамоа истаётганди. Ниятимиз ҳолис экан, бу амалга ошди. Мақсад битта, иложи борича хавфли зонага тушиб қолмаслик, эди.

Олдимизга қўйилган вазифани бажардик, деб ўйлайман. Бугунги ўйин учун жамоадошларимга алоҳида раҳмат айтаман. Машғулотларда кўпроқ ўз устимизда ишлаш бу бизни вазифамиз. Ким майдонга тушиш ёки тушмаслигини мураббийлар хал қилади", - дейди "Обод" жамоаси футболчиси Миржамол Қосимов.

Жаҳонгир Сотволдиев

Ссылка :

Источник : championat.asia

Получайте новости прямо в Telegram!

Рейтинг: +17