Миржалол Қосимов: “VAR йўқлиги ўйин натижасига таъсир кўрсатди деб ўйламайман"
20 ноя 2021 16:37
Новости

Миржалол Қосимов: “VAR йўқлиги ўйин натижасига таъсир кўрсатди деб ўйламайман"

Coca-Coca Суперлиганинг 25-туридан ўрин олган "Қўқон-1912" - АГМК (2:2) учрашувидан сўнг меҳмонлар бош мураббийи Миржалол Қосимов матбуот анжуманида иштирок этди.

Ўйин ҳақида

- Бугун биз учун жуда масъулиятли ўйин эди. Қолаверса қизиқарли ва драматик руҳдаги учрашув гувоҳига айландик. Агар ғалаба қозонганимизда 2-ўрин масаласи ҳал бўларди. Афсус, ушбу масала кейинги ўйинга қолди. Йигитлар охиригача кураш олиб боришди, мезбонлар ҳам бизга қарши жуда яхши ҳаракат қилишди. Бугунги ўйин мухлисларга ёқди деб ўйлайман. Агар Касьян 90-дақиқада юзага келган имкониятдан фойдалана олганида ғалаба қозонишимиз ҳам мумкин эди.

Олдинда Ўзбекистон кубоги ярим финал баҳси бизни кутиб турибди. Тезроқ тикланган холда ушбу ўйинга тайёргарлик жараёнига киришимиз зарур.

- Бугунги ўйинда VAR тизими ишлаши айтилганди. Лекин техник сабабларга кўра ушбу технология ишламади. Бу холат ўйин натижасига таъсир кўрсатди деб ўйлайсизми?

- Йўқ, бундай деб ўйламайман. VAR йўқлиги бир жиҳатдан яхши бўлди. Нега деганда бугунги учрашув жозибадор руҳда ўтди. Кўп тўхталишлар бўлмади, ўйин вақтини ютқазмадик. Ҳар икки жамоа ғалаба учун майдонга тушгани кўриниб турди.

Ссылка :

Источник : championat.asia

Получайте новости прямо в Telegram!

Рейтинг: +2