Миржалол Қосимов: "Нефтчи"нинг ўйини менга АПЛ жамоаларининг ўйинини эслатиб юборди"
17 мар 2018 22:18
Новости

Миржалол Қосимов: "Нефтчи"нинг ўйини менга АПЛ жамоаларининг ўйинини эслатиб юборди"

“Нефтчи” – “Бунёдкор” (0:1) баҳсидан кейин ўтказилган матбуот анжуманининг илк қисмида “Бунёдкор” бош мураббийи Миржалол Қосимов ва ҳимоячи Рустам Ашурматов иштирок этишди.

- Биринчи ўринда кириб келаётган “Наврўз” байрами билан барчани табриклайман. Баҳс шиддатли ва курашларга бой ўтди. Водийда ўйнаш доим қийин кечган. Чунки “Нефтчи” ўз мухлислари қаршисида тўп суриб, фақат ғалаба учун интилади. Баланд павроз гаплар эмаску, лекин “Нефтчи”нинг ўйини менга АПЛ жамоаларининг ўйинини эслатиб юборди. Охиригача рақобат, узун узатмалар, мухлисларни хурсанд қилиш учун ҳаракат ва курашувчалик бор. Оғир ўйин бўлди. Шогирдларимга раҳмат. Чиройли футбол эвазига муҳим ғалабага эришдик, - дейди Қосимов.

Рустам Ашурматов: Ўйин жуда қийин кечди. Аввалдан баҳс шундай руҳда кечишини сезгандик. Ҳимояда ҳам ҳужумда ҳам мураббийларнинг кўрсатмаларига бинонан ҳаракат қилдик. “Нефтчи” жамоасига эса кейинги ўйинларга омад тилайман.