Мирислом Ҳасанов: “Нурафшон" 4-ўринга муносиб жамоа эмасди"
21 ноя 2021 19:20
Новости

Мирислом Ҳасанов: “Нурафшон" 4-ўринга муносиб жамоа эмасди"

Теги : Мирислом Ҳасанов "Нурафшон"Про лига

Про-лиганинг 24-туридан ўрин олган "Нурафшон" - "Олимпик" (3:2) учрашувидан сўнг мезбонлар бош мураббийи Мирислом Ҳасанов матбуот анжуманида иштирок этди.

- Ўйин ҳақида

- Мухлислардан узр сўраймиз. "Нурафшон" тўртинчи ўринга лойиқ жамоа эмас эди. Омадимиз келмади, вазиятлардан унумли фойдалана олмадик. Ҳаёт давом этади, йигитларга охиригача курашганликлари учун миннатдорчилик билдираман.

- Мураббийларнинг кетма-кет алмашинуви "Нурафшон" жамоасининг омадсизликка учрашига сабабчи бўлди деб ўйлайсизми?

- Ҳа, ҳар бир мураббий ўз услубини қўллайди. Бу йигитларга таъсирини кўрсатмасдан қолмади.

- Келгусидаги режалар қандай?

- Ҳозир бу борада бирон гап айтиш қийин. Жамоа ўз мақсади йўлида олға давом этади.

- Сиз клуб бош мураббийи лавозимида қоласизми?

- Буни клуб раҳбарияти ҳал қилади. Мен U-18 жамоасида ишлаб келаётгандим. Таклиф бўлганида, қўрқмасдан қабул қилдим ва ишладим. Йигитларга курашувчан ўйин намойиш этганликлари учун раҳмат айтаман. Яна бир бор мухлислардан узр сўраймиз.

Ссылка :

Источник : championat.asia

Получайте новости прямо в Telegram!

Рейтинг: +7