"Металлург" Туркияда тўртта ўйин ўтказади
31 янв 2022 19:23
Новости

"Металлург" Туркияда тўртта ўйин ўтказади

Янги мавсумга Тошкент вилоятининг Аҳмад Яссавий номидаги стадионида тайёргарлик кўраётган "Металлург" клуби навбатдаги йиғинини Туркияда ўтказади.

Бекободликлар Тошкентда тайёргарликни яна икки кун давом эттиришади. Шундан кейин жамоа аъзолари учинчи босқични ўташ учун хорижга – Туркиянинг Анталия шаҳрига йўл олади. "Металлург" хорижда тўртта назорат учрашувини ўтказишни режалаштирган. Ҳозирча рақиблардан иккитаси маълум бўлган. Булар Украинанинг "Металлист" ҳамда Арманистоннинг "Алашкерт" жамоалари саналади. Яна иккита рақиб билан дастлабки келишув бор, аммо узил-кесил бир тўхтамга келинмаган.

Эслатиб ўтамиз, Луисма Эрнандес етакчилигидаги "Металлург" Туркия сафарига 3 февраль санасида учиб кетади.

Ссылка :

Источник : "Металлург" ФК матбуот хизмати

Получайте новости прямо в Telegram!

Рейтинг: +6