Месси тўпиғидан олган жароҳати сабабли "Интер Майами"нинг бир нечта ўйинини ўтказиб юбориши мумкин

МЛС клуби бош мураббийи Херардо Мартинонинг айтишича, аргентиналик форвард тўпиғидан олган жароҳати туфайли камида кейинги икки ўйинни ўтказиб юбориши мумкин.

Эслатиб ўтамиз, Месси Аргентина ва Колумбия терма жамоалари ўртасидаги Америка кубоги финал учрашувида (1:0) тўпиғидан жароҳат олган эди.

18 июль куни "Интер Майами" МЛСнинг навбатдаги мавсуми доирасида "Торонто"ни қабул қилади. 21 июль куни эса Флорида клуби "Чикаго Файр"га қарши баҳс олиб боради.