Месси: "Саудияга қарши ўйиндаги мағлубият бизни ўсишга ундади"
14 дек 2022 21:51
Новости
![](https://championat.asia/upload/storage/731729_original.jpg)
![](/upload/storage/731729_220.jpg)
Месси: "Саудияга қарши ўйиндаги мағлубият бизни ўсишга ундади"
"Кайфиятим аъло даражада. Бугунги ўйин бизга осон бўлмади, анча толиқдик, шунга қарамай, жиддий ўйин кўрсатдик. Рақиб тўпга кўпроқ эгалик қилишини яхши билардик, чунки уларда марказий зоналарда ҳаракат қилувчи ажойиб ўйинчилар бор, лекин биз ушбу ўйинга яхши тайёргарлик кўрдик.
Хорватия ақлли жамоа, улар ҳар бир вазиятни уқиб олади. Скалони айтганидек, биз машаққат билан ҳаракат қилишимиз керак бўлганда қандай ҳаракатланишни ва тўпга эгалик қилиш кераклигини ўз вақтида пайқадик. Бизда жуда яхши ўйинчилар бор, улар ҳеч қандай шубҳага ўрин қолдиришмади. Ҳимояланиш чоғида умидсизликка тушмадик, тўпга эгалик қилиш рақибнинг кучли томони эканлигини билган ҳолда ўйин кўрсатдик.
Мундиалдаги илк ўйин (Саудия Арабистонига қарши мағлубият) жуда кучли зарба бўлди. 36 учрашувдан мағлубиятсиз сериямизга барҳам берилди. Мағлуб бўлишни кутмаган рақибга қарши шундай натижа билан бошлаш бундай таркиб учун оғир ботди. Шунга қарамай, кучли эканлигимизни кўрсата олдик, ўйиндан-ўйинга яхшиланиб бордик. Учрашувлар осон ўтмади, сабаби ҳар бир ўйин финалга тенг эди. Биз бешта финал ўтказдик ва бешаласида ҳам ғалаба қозондик. Умид қиламанки, кейинги финал ҳам шундай муваффақият билан ниҳоясига етади... Ўзимизга бўлган ишончимиз юқори, чунки биз таркибимиз қай даражада эканлигини биламиз. Саудияга қарши ўйиндаги мағлубият бизни ўсишга ундади", деди Аргентина терма жамоаси етакчиси.
Похожие новости
![AMP Logo](https://championat.asia/image/logo-amp.png)
Комментарии