Месси "Интер Майами"га ўтди. Apple TV ва Adidas ўйинчига фойданинг бир қисмини беради
08 июн 2023 13:50
Новости

Месси "Интер Майами"га ўтди. Apple TV ва Adidas ўйинчига фойданинг бир қисмини беради

Лионель Мессининг "Интер Майами"га ўтишида Apple ва Adidas бевосита иштирок этган.

"The Athletic" маълумотларига қараганда, музокараларга яқин бўлган бир қанча манбаларга таяниб хабар беришича, Мессининг шартномасида лиганинг икки йирик тижорий ҳамкорларидан олинадиган пуллар ҳам киритилган.

MLS ва Apple шу йилнинг баҳорида 2,5 миллиард долларни ташкил этувчи 10 йиллик битимга имзо чекдилар. Шартларга кўра, лига ўйинлари MLS Season Pass обунаси орқали Apple TVда трансляция қилинади. "Интер"га ўтгандан сўнг Месси хизматга янги обуначилардан тушган даромаднинг бир қисмини олади.

Ўз навбатида, Adidas Лионелга футболчининг Америка клубига ўтиши билан боғлиқ фойданинг бир қисмини таклиф қилди. Бу йил компания MLS билан 830 миллион долларлик 6 йиллик шартнома тузди. Adidas лиганинг барча 29 жамоаси учун тўпламларни етказиб беради, шунингдек, лиганинг расмий тўпини ишлаб чиқади ва лиганинг расмий ҳомийси ҳисобланади.

2017 йилда Месси ва Adidas бир умрлик ҳомийлик шартномасини тузишган.

Ссылка :

Источник : The Athletic

Получайте новости прямо в Telegram!

Рейтинг: +13