RU

Последние новости

08:40Бухорога Суперлига ўйинларини қайтариш ҳаракати бошланди  1 08:17Sofascore. Захирадан майдонга тушган Ўринбоев энг катта баҳолардан бирини олди  3 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  0 07:25"Ал Иттиҳод" мавсумни йирик ғалаба билан бошлади. Бенземадан хет-трик  1 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  26 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  2 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  18 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  49 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  7 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8

Менга Обамеянгни келтиринг! Новости

Менга Обамеянгни келтиринг!

Лондоннинг "Челси" клуби бош мураббийи Томас Тухель жамоа ҳужум чизиғидаги етишмовчиликни "Барселона" юлдузи Пьер-Эмерик Обамеянг ҳисобига тўлдириш ниятида.

 "Кўклар" "Арсенал" собиқ сардорини "Боруссия" Дортмунднинг собиқ мураббийи билан яна бирлаштириш учун таклиф билан чиқишга тайёр.

"Челси" ҳозирги пайтда Каталония клубини қамраб олган молиявий муаммолардан фойдаланиш учун клуб ҳужумчиси Обамеянгни таркибга жалб қилмоқчи. "Челси" ва "Барселона" ўртасида музокаралар бошланди ва кейинги 48 соат ичида музокаралар давом этади. Клуб расмий таклиф билан чиқиш арафасида турибди. Ушбу ҳафтадаги музокаралар "Барселона"нинг футболчини сотишга қанчалик тайёр эканига ойдинлик киритади.

Обамеянг ушбу ёзги трансферлар ойнасида "Боруссия" Дортмунддан 42,5 млн еврога харид қилганидан сўнг "Ноу Камп" раҳбарлари уни сотиш истагида эканидан хабари йўқ эди, деб тахмин қилинмоқда. Обамеянг ва клубнинг айни пайтдаги бош мураббийи Томас Тухель ўртасидаги алоқалар илгари улар бирга ишлаган Дортмунд клубидан яхши экани барчага маълум. "Арсенал"нинг собиқ форварди Тухель қўл остида "Боруссия" таркибида 2 мавсум ўйнади. Қизиқ жиҳати шундаки, Обамеянг Германияда ўйнаган вақтида берилган 17-рақам яқинда Каталония клубида ҳам футболчига берилди ва бу унинг жамоада сақлаб қолишмоқчи эканининг белгиси, дея хабар қилинди.

Дарҳақиқат, Обамеянг январь ойида "Эмирейтс"ни тарк этиб, жамоага келиб қўшилганидан жуда мамнун ва у умуман кетишга интилаётгани йўқ. Унинг Шимолий Лондондан кетиши кескин бўлди ва 33 ёшли футболчи "Челси"га ўтадиган бўлса, "Арсенал"га рақиб сифатида ўйнашига тўғри келади. "Челси" рекорд даражадаги 97,5 млн евро эвазига шартнома имзолаган Ромелу Лукакуни бир мавсумга "Милан"га ижара асосида қайтариб юборганидан сўнг Тимо Вернернинг "Лейпциг"га қайтгани туфайли "Челси" бу ёзда ҳужумчиларга мухтож бўлиб қолди. "Челси"нинг ҳозирги эгаси Тодд Боэли ёзги трансферлар чоғида жамоани кучайтириш учун барча имкониятларни ишга солишга тайёр.

Айни пайтда "Лестер" ўзининг юлдуз ҳимоячисини сотишни истамаганига қарамай, "Челси" Уэсли Фофана учун учинчи таклифни кўриб чиқмоқда. "Кўклар"нинг иккинчи таклифи тахминан 65 млн фунтга баҳоланган эди. "Лестер" томонининг таъкидлашича, 21 ёшли футболчи сотилмайди, бироқ клуб ҳимоячи учун рекорд нарх – 80 млн фунтдан кўпроқ таклиф тушган тақдирда бу борада якуний қарор қабул қилади. "Лестер" Фофана улар билан узоқ муддат бирга бўла олмаслигини яхши билади. Аммо улар футболчини яна бир мавсум жамоада ўйнатишмоқчи. Фофана "Челси"нинг таклифидан мамнун ва ёздаёқ клубини алмаштиришга ҳаракат қилмоқда. "Лестер" жамоа бош мураббийи Брендан Рожерснинг ҳар қандай молиявий режасини амалга ошириш учун футболчиларни сотишига тўғри келади. Уларнинг кейинги ҳисоботлари катта камчиликларни чиқариб бериши керак. 

"Лестер" "Ньюкасл"нинг ҳужумкор ярим ҳимоячи Жеймс Мэддисон учун берилган икки таклифини ҳам рад этди. Улар шартнома муддати охирги йилга келиб қолган Юри Тилемансни ҳам сотишга тайёр. "Ньюкасл" нархи 60 млн бўлган вингер Ҳарви Барнс ҳақида ҳам сўраган.

"Челси" "Севилья”дан "Барселона"га ўтган Жюль Кундени қўлга кирита олмаганидан сўнг ПСЖ ҳимоячиси Преснель Кимпембени ўзиники қила олмади ва Фофанага мурожаат қилди.

Мансурбек Неъматов таржимаси

Рейтинг: +1   

Комментарии

championat.asia
< посмотреть последние новости
Яндекс.Метрика