"Менга 50, унга 2 қадам етади" - Агуэро Ван Дейк ҳақида

"Барчамиз ван Дейк айни дамда дунёнинг энг яхши ҳимоячиларидан бири эканлигини биламиз. У жуда кучли, бўйи узун ва ажойиб тана тузилишига эга. Виржил бирга бир вазиятларда енгилмас. Унинг бўйидан ташқари оёқлари ҳам жуда узун. У унчалик тез эмас, бироқ узун оёқлари катта қадам ташлашга ёрдам беради. У икки қадам ташлайдиган жойга мен эллик қадам ташлашим керак.

Ундан ташқари, унинг ақлли ўйнаши ҳам менга ёқади. У персонал ўйинларда хотиржам ўйнайди, жуда эҳтиёткор. Кўплаб ҳужумчиларга ҳалақит бера олади. Мен тезкорман ва дриблингни ёқтираман, чунки мен ҳимоячининг таъқибидан қочиб кетишим керак. Бироқ у ўзининг ақлли ўйини билан исталган ҳужумчидан тўпни олиб қўя олади. У бунга жуда уста", - деди Агуэро.