"Мен умримда бунақасини кўрмаганман". Зидан Ямалнинг истеъдодини эътироф этди
27 мая 2025 16:57
Новости

"Мен умримда бунақасини кўрмаганман". Зидан Ямалнинг истеъдодини эътироф этди

Франциялик афсонавий футболчи ва мураббий Зинедин Зидан "Барселона"нинг 17 ёшли футболчиси Ламин Ямалнинг ўйини ҳақидаги таассуротлари билан ўртоқлашди.

"Майдонда ўз ишини жуда яхши бажарадиган одамни кўриш – бу шунчаки ажойиб. Унинг ўйинини томоша қилишдан завқланамиз.
Ламин Ямалнинг "Интер"га қарши иккинчи бўлими... Ҳаётимда бунақасини кўрмаганман", – деди франциялик.

Ламин Ямаль жорий мавсум 55 ўйин ўтказиб, 18 та гол урди ва 25 та голли узатмани амалга оширди. Шунингдек, у клуб билан 3 та титул – Испания чемпионати, Испания Кубоги ва Испания Суперкубогини қўлга киритди.

17 ёшли вингер учун мавсум ҳали тугамади. У 6 июнга ўтар кечаси Испания терма жамоаси сафида УEФА Миллатлар Лигаси ярим финалида Францияга қарши ўйнайди.

Ссылка :

Источник : Diario AS

Получайте новости прямо в Telegram!

Рейтинг: +18