Мексика-2011 қаҳрамонлари. Азизбек Муротов: "Гуруҳда Ўзбекистон очко йўқотмаслиги керак"
18 окт 2013 15:45
Новости

Мексика-2011 қаҳрамонлари. Азизбек Муротов: "Гуруҳда Ўзбекистон очко йўқотмаслиги керак"

Кечадан бошлаб старт олган БААдаги ўсмирлар ўртасидаги Жаҳон чемпионати ҳақида аввалги мундиалда иштирок этган футболчиларимиз ўз фикрларини сайтимиз орқали билдириб боради.

Бугун бўлиб ўтадиган Ўзбекистон - Панама учрашуви ҳақида "Бухоро" клуби ва собиқ ўсмирлар терма жамоаси футболчиси Азизбек Муротов ўз фикрларини билдириб ўтади.

"Бугунги учрашувда ўсмирларимиз ғалаба қозониб гуруҳда фаворитликни қўлга олиши керак. Шунда жамоамизда катта ишонч пайдо бўлади. 1:0 ҳисобидаги ғалабани тахмин қилмоқдаман. Уларга омад тилаган ҳолда битта нарсани сўрамоқчиман: Учрашувда майдон ташқарисини унутинг. Бу менга катта салбий таъсир ўтказган ва кейинги ўйинлардан бунга кўниккан эдим. Гуруҳда очко йўқотмасак камида ярим финалгача боришни уддаласа бўлади. Майдонга ҳар қандай ҳолатга тайёр бўлиб кириш керак. Бир киши кам бўлиб қолиш йигитларимизни руҳан кайфиятини тушириб юбориши мумкин. Эҳтиёт бўлиб жамоавий ҳаракат қилинса натижага эришилади" - дея ўз фикрларини билдириб ўтади "Мексика-2011" иштирокчиси Азизбек Муротов.

Ҳумоюн Давуров суҳбатлашди.

Ссылка :

Источник : championat.asia

Получайте новости прямо в Telegram!

Рейтинг: +1