Маурисио Почеттино: “Бу “Тоттенхэм”нинг мавсумдаги энг яхши ўйини эди”

“Ўйиндан мамнуман, биз ўйинни охиригача рақибдан устун бўлдик, аммо натижа ғалати бўлди. Бу мавсумдаги энг яхши ўйинимиз бўлди, деб ҳисоблайман. Ўйиндан хурсандман, бироқ натижадан хафаман, сабаби биз кўпроғига лойиқ эдик, аммо иккита вазиятда 2 та гол ўтказиб юбордик. “Интер”нинг биринчи голига қадар ўйин бизнинг назоратимизда эди. Аммо биз гол қўйиб юбордик. Бундан сўнг эса “Сан Сиро”га ўхшаган стадионларда ҳамма нарса рўй бериши мумкин. Биз хато қилдик ва бунинг учун товон тўладик. Бу футбол, ишлашда давом этиш керак ва кейинги ўйинларда ғалаба қозонишга ҳаракат қилиш лозим”,—дейди Почеттино.