Массимилиано Аллегри: "Милан" Европанинг энг яхши жамоасига қарши тенгма-тенг ўйнади"

Сингапурда ўтган баҳсда "россонери" 0:1 ҳисобида имкониятни бой берди.

"Европанинг энг кучли жамоаларидан бирига қарши ўйнадик. Бўлган ўйиндан мамнунман, бунинг учун биз 15 кун тайёрлангандик. Бизда ўқиш, изланиш ва ривожланиш учун вақт етарлича.

Футболчиларда ишлаш, меҳнат қилиш учун иштиёқ катта эканлигини кўриб турибман. Биз тўпсиз ҳолатимизда ҳам ўйинни анча яхшилай олдик. Бир қанча вазиятларга ҳам эга бўлдик, булардан яхшироқ фойдаланишимиз ҳам мумкин эди. Биз ривожланишимиз керак, ҳозир эса бу жараёндан мамнунман.

Ҳа, тўлақонли мамнун эмасман, ҳатто мавсумолди ўйинларда ҳам мағлуб бўлмаслик керак, чунки биз мавсумга тайёрланяпмиз. Лекин биз Европанинг энг кучли жамоаларидан бирига қарши ўйнаганимизни ҳам ҳисобга олиш керак. Биз бир соат давомида улар билан тенгма-тенг ўйнадик. Бироқ бу жуда кам", - деди Аллегри.