"Машъал": Стадиондаги ишлар қизғин (фото)

Хабарингиз бор, бу йилги олий лига баҳслари 15 мартдан старт олади. “Машъал” шу куни Жиззахда “Сўғдиёна” меҳмони бўлади. Муборакликлар уйдаги илк баҳсни 23 март куни “Бунёдкор”га қарши ўтказишади.

Яхши биласиз, охирги икки йилдан бери ОФК талабларига кўра, ПФЛ томонидан олий лига клубларини лизенциялаштириш амалга ошириляпти. Бунинг учун ҳар бир стадион “А” тоифага жавоб бериши лозим. Шундагина ОФК олдидаги ҳурматимиз ошади.

Хабар бериб ўтганимиздек, Муброракдаги “Баҳром Вафоев” номли стадионда янги мавсумга ҳозирлик ишлари қизғин давом этмоқда. Бир сўз билан айтганда қурилиш авжида. Бизга маълум бўлишича, қурилиш чемпионат бошланиши арафасида якунига етиши керак. Қуйида таъмирлаш жараёнидан фотосуратларни эътиборингизга ҳавола этамиз.