“Машъал” ўз тарбияланувчиси билан хайрлашди

2007 йили Муборакдаги “Машъал-Академия”га қабул қилинган Шайманов айнан ушбу даргоҳда футболчи сифатида етишиб чиқди ва асосий жамоага ўтгач, янада шаклланди. 2012 йил иқтидорли футболчи олий лигада дебютини ўтказди. 

Ўша мавсумда Шаҳзод 20та учрашувда иштирок этган. Шу орада 2014 йили биринч даврани “Андижон”да ўтказиб, яна Муборакка қайтишга қарор қилган. Жамоа бош мураббийи Александр Хомяков футболчини доим асосий таркибда кўриб келаётганди. Ўткан мавсум якунига етгач, Шайманов ва клуб ўртасидаги битим ҳам ўз кучини йўқотди. Бу пайтга келиб Шаҳзодга суперлиганинг айрим клубларидан таклиф бўлаётганди. 

“Машъал”даги 6 йиллик фаолиятидан сўнг 25 ёшли марказий ярим ҳимоячи муҳитни ўзгартиришга қарор қилди. Футболчининг ўзи билан боғланганимизда, “Металлург” йиғинида иштирок этаётганини тасдиқлади. Аммо у бекободликлар билан ҳозирча расмий келишувга эришмади.