"Машъал" мавсумий чипта нархларини белгилади

Яна икки ҳафтадан сўнг  24-Ўзбекистон миллий чемпионати баҳслари старт олади. Бу мавсум клублар сони 16 тага етган ва ҳар бир жамоа ўз майдонида 15 тадан учрашувни қабул қилади. Муборакдаги баҳсларда жамоамизни стадионда қўллаб-қувватлаш учун мухлислар фан-клуби ташкил этилган. Ундан ташқари клубга бефарқ бўлмаган мухлислар учун йиллик мавсумий чипталар ҳам сотувга қўйилди. Бу йилда йиллик мавсумий чипталар 75 минг сўмдан этиб белгиланган бўлса,  учрашувга киришни истаган мухлислар ҳар бир ўйинга алоҳида чипталарни ҳам сотиб олиши мумкин. Ҳар бир ўйинга чиқарилган чипта  5 минг сўмдан бўлиб, 18 ёшга тўлмаган барча мухлислар учун 1000 сўмдан бўлади.

Ҳар бир ўйинда мухлислар учун баҳс олдидан концерт дастурлари, ўйинларнинг танаффус қисмида мухлислар учун "Омадли мухлис" лойихаси ташкил этилади. Билет эгалари ушбу лойиха иштирокчиласига айланиб боради ва қимматбаҳо совғаларга эга бўлади. Стадионимиз меҳмонлари эса Ўзбекистон чемпионатининг энг шиддатли баҳслари билан бирга, "Насаф" ва "Шўртан"га қарши воҳа дербиси, Ўзбекистон чемпиони "Пахтакор"га қарши ўйин, кубок соҳиби "Локомотив" ва  бир неча собиқ футболчиларимиз билан таркибини тўлдирган "Бунёдкор"га қарши ўйинларни ҳам бевосита стадионда гувоҳи бўласиз. Футбол мухлислар учун ва "Машъал" мухлислар учун ўйнайди. Сизнинг қўллаб-қувватлашингиз эса жамоага энг муҳимидир.

Эслатиб ўтамиз, "Машъал" биринчи турни сафарда "Навбаҳор"га қарши ўтказади. Иккинчи тур баҳси 20 март куни Муборакда "Андижон"га қарши бўлиб ўтади.