“Машъал” – “Бухоро” учрашувини 9та камера кузатиб боради

Муборак шаҳрида ишқибозлар “Машъал” – “Бухоро” баҳсига гувоҳ бўлади. “Газчилар” матбуот хизматининг маълумот беришича, бугунги ўйинни мезбонларнинг 8та видео камераси кузатиб боради. Шунингдек “Бухоро” жамоаси ҳам ўзининг оператори билан ташриф буюради. Шу тариқа мазкур баҳсни умумий айтганда 9та камера тасвирга олади.

Куни-кеча олий лига баҳсини бошқариб борган ҳакам Рустам Бобомуродовнинг ҳакамликдан четлатилгани ва “Шўртан”- “Навбаҳор” учрашувида ишлаган Олим Толибжоновнинг 4,0 балл олгани кенг мушоҳадага сабаб бўлмоқда. Шу боис бўлса керак, “Машъал” вакиллари бугунги ўйинга 8 нафар тасвирчини ўйинга таклиф этган.

Эслатиб ўтамиз, мазкур учрашувни ФИФА рефериси Валентин Коваленко бошчилигидаги ҳакамлар гуруҳи бошқариб боради.