"Машъал-2" мавсумга тайёргарлик кўрмоқда
06 авг 2014 12:48
Новости

"Машъал-2" мавсумга тайёргарлик кўрмоқда

Ўзбекистон биринчилигида иштирок этувчи "Машъал-2" жамоамиз айни вақтда иккинчи босқич учрашувларига жиддий тайёргарлик олиб бормоқда.

Дилшод Андаев бошқарувидаги жамоа 15-25 июль кунлари тоғда ўн кунлик йиғин ўтказди. Ушбу йиғиндан сўнг машғулотлар Муборакда бўлиб ўтмоқда. Кеча жамоа навбатдаги назорат учрашувини биринчилик вакили "Аланга"га қарши ўтказиб, 2:2 ҳисобида дуранг қайд этди. Голларни Аҳрор Иноятов ва Фаёз Мусурмоновлар киритди.

Назорат учрашуви. Муборак

"Машъал-2" - "Аланга" 2:2
Голлар: Аҳрор Иноятов, Фаёз Мусурмонов

Навбатдаги назорат учрашуви ҳам "Аланга"га қарши 8 августда Косонда бўлиб ўтади.

"Машъал-2" таркибида баъзи ўзгаришлар бўлган. Жамоани Фозилбек Дехқонов ("Хотира-79"га), Элдор Холмирзаев (иккинчи лигага), Суннатилло Хошимов (номаълум)лар тарк этди. Таркибга эса ёшлар жамоасидан Темур Маматов, Жасур Абдураҳмонов қўшилган. Академиямизнинг 1998 йилда туғилган ёшларидан Бакир Муртозаев, Раҳим Шарипов, Жаҳонгир Мақсудов, Аброр Тошқўзиевлар ҳам биринчи лига жамоаси билан бирга.

Кеча биринчи лигага қуръа ташлаш бўлиб ўтди. Унга кўра "Машъал-2" дастлабки икки учрашувини сафарда 16-19 август кунлари "Пахтакор-2" ва "Истиқлол"га қарши ўтказади.

Ссылка :

Источник : fcmashal.uz

Получайте новости прямо в Telegram!

Рейтинг: