RU

Последние новости

17:50"Реал" ўйинчисини 13,5 млн евро эвазига қайта харид қилиш ҳуқуқи билан сотди  0 17:21"Барселона" "Виссел Кобе"ни мағлуб этди, Рэшфорд дебют ўйинини ўтказди  0 16:57Феликс 30+20 млн евро эвазига "Челси"дан "Ал Насср"га ўтади - Фабрицио Романо  1 16:30"Бавария" Диас учун "Ливерпул"га тахминан 80 млн евро таклиф қилди. Клублар битимнинг якуний тафсилотларини муҳокама қилмоқда  4 15:55"Ньюкасл" Александр Исак ўрнига 4 нафар номзодни маъқуллади  1 15:23"Реал" уч нафар футболчисини сотишга тайёр  4 14:58ПСЖ ва "Тоттенхэм" собиқ футболчиси "Персеполис"га ўтиши мумкин  2 14:16ПСЖ ўзига янги дарвозабон топди  0 13:38Феликс 44 млн фунт эвазига "Челси"дан Саудия Арабистони клубига ўтишга яқин  2 13:04Салиба "Реал"нинг қизиқиши фонида келажаги борасида қарор қабул қилди  3 12:23Брунунинг дубли МЮга АҚШдаги ўртоқлик ўйинида "Вест Хэм" устидан ғалаба келтирди  1 11:50"Атлетико" Бундеслигадан футболчи харид қилишга яқин турибди  2 11:20"Бавария" Диасни "Ливерпул"дан катта маблағ эвазига сотиб олишга яқин турибди  5 11:15"Бухоро"нинг тайёргарлиги, янги футболчилар, ёшлар ёхуд Улуғбек Бакаев иккинчи даврада юқорилашга умид қилмоқда   5 10:42"Челси" футболчиси "Ал Насср"га ўтишга яқин  4

Маъруфхон Муродов: “Мухлислар Суперлига йўлланмасини кутмоқда” Новости

Маъруфхон Муродов: “Мухлислар Суперлига йўлланмасини кутмоқда”

"Шўртан" клуби ярим ҳимоячиси Маъруфхон Муродов интервью берди.

- “Шўртан” ПФК таркибида бир неча мавсумдан буён тўп суриб келасиз. Тажрибали футболчи сифатида айтингчи, жамоанинг бу йилги биринчиликдан кўзлаган асосий мақсади нималардан иборат?
- Маълумки “Шўртан” жамоаси бундан олдинги йилларда ҳам Суперлига даражасида иштирок этиб келган. Бундан ташқари “Оқ бўрилар” ҳалқаро учрашувларда ҳам ўз кучини синаб кўришган. Ғузорлик мухлислар катта футбол ҳавосини соғиниб қолишди. Шундан келиб чиқиб “Шўртан” фақат юксак марраларни кўзлайди, деб айтаоламан. Қолаверса, жамоамизнинг бош ҳомийси “Шўртаннефтгаз” МЧЖ рахбарияти ҳам 2019 йилги мавсумда олдимизга Суперлига чиқиш йўлланмасини қулга киритиш вазафасини қуйган.

- Жамоанинг Суперлига чиқиш имконияти қанчалик даражада деб баҳолайсиз?
- Яхши, чунки йил бошида таркибизни имкон даражасида малакали футболчилар билан мукаммал шакллантирдик. Сафимизда ўйинни ўз қўлига оладиган, жамоадошларини олдинга бошлайдиган тажрибали йигитлар кўп. Шу билан бирга клубимиз раҳбарлари ва мураббийлари истеъдодли ёшларга ҳам кенг имкониятлар беришмоқда. Булар орасида Ғузорлик йигитларнинг кўп эканлиги қувонарли ҳол.

- ПРО-Лига “А” гуруҳидаги жамоалардан қайсилари бу йил ғолиблик йўлида “Шўртан”га асосий рақобатчи бўлиши мумкин?
- Суперлигага чиқиш учун рақобат қиладиган асосий жамоалар “Машаъл” ва “Истиқлол” деб ўйлайман. Турнир жадвалига эътибор берадиган бўлсак ҳам айнан биз билан бирга ушбу жамоалар пешқадамлик қилишяпти. Улар томондан намойиш қилинаётган ўйинлар ҳам таҳсинга лойиқ. Айниқса Муборакликларнинг ўйинини алоҳида таъқидлаган бўлардим. Шу ўринда “Машаъл” бош мураббийи Алиқулов Асрор ҳамда ёрдамчиси Қораев Ботир акаларнинг фаолиятини эслаб ўтиш жоиз.

- Жамоанинг Суперлигага чиқиши учун ички имкониятлари қандай. Масалан шарт-шароитлар, молиявий аҳволи.
- Тажрибали мураббий, устозимиз Сергей Ковшов қўл остида ўтадиган машғулотлардан кўнглимиз тўляпти. Шарт-шароитимиз ва молиявий аҳволимиз тўғрисида тўхталганимизда Бош ҳомиймиз барча зарур имкониятларни яратиб бермоқда. Бу эса Суперлигага чиқишимизда юз фоиз талабга жавоб беради. Биздан бир жамоа бўлиб, истак сари озгина тер тўкиб машаққатли меҳнат қилиш талаб этилади.

Ўйлайманки, клубимиз раҳбариятининг олдимизга қўйган вазифасини ва мухлисларимиз ниятини амалга оширамиз.


“Шўртан” ПФК матбуот бўлими

Рейтинг: +1   

Комментарии

championat.asia
< посмотреть последние новости
Яндекс.Метрика