Марат Бикмаев: "Ҳозирча индивидуал тарзда шуғулланяпман"

Ўз вақтида мухлислар ва мутахассислар томонидан келажаги порлоқ ўйинчи сифатида эътироф этилган Бикмаев оёғининг тизза қисмидан олган жароҳат сабаб бир неча операцияларни ўтказишги мажбур бўлди. Охирги марта у Германияга бориб, малакали шифокорларга кўринди ва ўша ернинг ўзида операция столига ётди. Ундан хол аҳвол сўраб, боғланганимизга қуйидагиларни таъкидлади.

- Аввало эътибор учун ташаккур. Худога шукур қийинчиликлар ортда қолди. Операциядан сўнг секин-аста ўзимни тиклаб бормоқдаман. Айни дамда жамоам "Локомотив" билан Австрия йиғинидаман. Бу ерда ҳозир бир ўзим махсус дастур асосида индивидуал тарзда шуғулланмоқдаман. Умумий гуруҳга қўшилишимга яна бир ой вақт керак бўлади. Насиб қилса яна аввалги спорт формамни тиклаб, билдирилган ишончни оқлайман деган умиддаман, - дейди Бикмаев.