"Манчестер Сити"нинг ёздаги асосий трансфер мақсади маълум

"Шаҳарликлар" ёздаги асосий трансфер мақсадини аниқлаб олди. Улар "Ноттингем Форест" ярим ҳимоячиси Эллиот Андерсонни сотиб олишни режа қилган. "Ноттингем" Англия терма жамоаси ҳимоячини 120 миллион фунтга сотишни режа қилишган. "Манчестер Сити" эса футболчининг трансферига 80-100 миллион атрофида пул ажратмоқчи.

Маълумот учун, Андерсоннинг "Ноттингем" билан тузган шартномаси 2029 йилнинг ёзида якунланади. Ярим ҳимоячи жорий мавсум АПЛда 12 та учрашувда майдонга тушди. Унинг ҳисобида 1 тадан гол ва ассист бор. Трансфермаркт нашри 22 ёшли футболчини 45 миллион еврога баҳолаган.