"Манчестер Сити" - "Манчестер Юнайтед" 2:3 учрашувидан ажойиб ФОТОГАЛЕРЕЯ

Мураббийлар мавзусига яна бир бор қайтамиз. Расм чиройли олинган-а.

"Юнайтед" ўзини кўрсата олмаётган бир вақтда Венсан Компани гол урди. Жозе Моуриньо айтганидек, "Сити" бу мавсумда "Юнайтед" дарвозасига бурчак зарбасидан кейин учинчи бора дарвозани ишғол этмоқда.

ПАҚ! ЗАРБА! 2:0! Орадан 6 дақиқа вақт ўтиб, Илкай Гюндоган ҳисобдаги фарқни иккита голга етказди. Шундай кейин "Юнайтед" камбек қилишини ким ҳам билибди дейсиз...

"Аллооо, эшитилмаяпти, мухлислар шу ердамисиз!" 97 сония. Ҳа, Погба иккита гол уриш учун шунча вақт сарфлади ва ҳисоб тенглашди - 2:2. МЮ мухлисларида умид учқунлари пайдо бўлди.

Иккинчи голдан 14 дақиқа вақт ўтиб, "Юнайтед" ҳимоячиси катта саҳнага чиқди. Крис Смоллинг жаримадан оширилган тўпни дарвозага тўғрилаб қўйди.

Сўнгги 2 учрашувда 1 гол уриб, 3 бора ассистентлик қилган Алексис Санчес дербида жуда зўр ўйин намойиш қилди. Икки голга ҳаммуаллифлик қилди. Унинг юлдузли онлари қайтаётгандир...

Интернетда #DaveSave номли хэштег жуда кўпайди. Давид учрашувни аъло даражада ўтказди. У МЮнинг энг барқарор футболчиси.

Буни кўрган Жозе...

 ...Гвардиолага нималар деган экан?

Учрашув якунланганидан кейин "Юнайтед" мухлисларидан бахтли инсонлар бўлмаган бўлса керак. Улар бунга ҳақли. "Юнайтед" сафарда ғалабага эришди. Уч мавсумдирки "Сити" МЮни ўз майдонида мағлуб эта олмаяпти.