Манба: Ройс "Боруссия Д" мураббийига қарши исёнга бошчилик қилмоқда

Дортмунднинг "Боруссия" клуби ярим ҳимоячиси Марко Ройс бош мураббий Эдин Терзичга қарши чиқди ва футболчиларни ўзидан ўрнак олишга чақирди. Бу ҳақда "Bild" нашри клубдаги манбаларга таяниб хабар бермоқда.

Манбага кўра, "қовоғарилар" фахрийси ва жамоа мураббийи ўртасидаги муносабатлар жорий мавсумда ёмонлаша бошлаган. Бунгача улар орасида ҳаммаси яхши эди. 

Клуб футболчига янги шартнома таклиф қилишида Терзич муҳим роль ўйнаганди. Бироқ Ройс энди мураббийга қарши. У мураббийининг баъзи, жумладан, ўйин вақтидаги қарорлари ёқмаяпти. "Боруссия"нинг бошқа ўйинчилари футболчини қўллаб-қувватлаяптими ёки йўқ, ҳозирча номаълум, бироқ аввалроқ Грегор Кобель, Никлас Фюллькруг ва Юлиан Брандт Терзичнинг тактик қарорлари ҳақида салбий фикр билдиришган.