Манба: "Челси" Лукаку билан келишиб олди

Бу ҳақда "Daily Express" хабар берди. Манбанинг маълум қилишича, футболчи лондонликлар сафига ўтган тақдирда ҳафтасига 150 минг фунт маош олади.

Жамоалар ўртасидаги музокаралар секин давом этмоқда. "Ирислар" Лукаку учун 100 миллион фунт сўрашмоқда, "Челси" эса бу суммани тўлашга тайёр эмас.

24 ёшли белгиялик ўтган мавсум "Эвертон" таркибида 39 бор майдонга тушди ва 26та гол уриб, 7та голли пас берди. Ҳужумчининг ливерпулликлар билан шартномаси 2019 йилгача мўлжалланган.