Лутфулло Тўраев мавсум якуни борасида қандай фикрда?
16 ноя 2022 11:53
Новости

Лутфулло Тўраев мавсум якуни борасида қандай фикрда?

Фарғонанинг “Нефтчи” клуби мавсумни бир текис ўтказа олмади.

Натижада жамоа чемпионатни 9-ўринда тугатди. Хўш, якунланган мавсумдан жамоа сардори Лутфулло Тўраев ўз фикрлари билан ўртоқлашди.

“Тўғриси, мавсум “Нефтчи” учун яхши якунлайман. Сабаби иккинчи даврани бошида жамоа 13-ўринда эди. Шуни ҳисобга олсак, ўйлайманки, чемпионатни муваффақиятли якунлай олдик.

Ўйлашимча, жамоа янгиланди. Барибир яхлит жамоага айланишимиз вақт олди. Назаримда, шу каби ҳолатлар сабаб натижаларимизда бироз пасайиш кузатилди. Албатта, янги бош мураббий келиб, ўйин услубимиз ўзгарди.

Жароҳатдан кейин тикланиш барибир ҳар бир футболчига қийин бўлади. Шундай ҳолат менда ҳам кузатилди. Лекин аввалги ҳолатимга қайтиб олишимга ёрдамлашган одамлар бор. Уларга ўз миннатдорчилигимни билдираман.

“Нефтчи”да қолишим аниқ эмас. Олдимда таклифлар бор. Лекин чемпионат энди якунланди. Бироз дам олиб, кейинчалик бу борада бир қарорга келаман”, - дея сўзини якунлади Тўраев.

Ссылка :

Источник : championat.asia

Получайте новости прямо в Telegram!

Рейтинг: +8