Лукаку ҳафтасига 140 минг фунт тўлайдиган "Эвертон" шартномасини рад этди

23 ёшли футболчининг клуб билан шартномаси 2019 йилнинг ёзида якунига етади.

Олдинроқ бельгиялик футболчи клуб раҳбариятига жамоа билан шартномасини узайтирмаслиги ҳақида маълум қилган эди. Лукаку 2013 йилда ижара асосида "Челси"дан "Эвертон"га ўтган. 2014 йилнинг июлида Ливерпуль шаҳри вакиллари 30 млн. фунт эвазига футболчини харид қилишди. Жорий мавсумда у АПЛнинг 27 та учрашувида 19 та гол урди ва 5 та голли пас берди.