RU

Последние новости

19:28"Алавес" — "Атлетико". Таркиблар маълум  0 19:25Ўзбекистон — Ўмон 0:1 (Матнли трансляция)  26 19:03АПЛ. "Челси" Лондон дербисида ишончли ғалабага эришди  11 18:57"CAFA Nations Cup-2025". Қирғиз Республикаси ва Туркманистон ўзаро дуранг ўйнади  24 18:23"Тоттенхэм" — "Борнмут" ва МЮ — "Бёрнли" ўйинлари учун таркиблар маълум  2 18:19"Ал Наср" — "Ал Батаэҳ". Ғаниев Лига кубоги учун ўйинда асосий таркибда  2 17:52"Ньюкасл" 85+5 млн евро эвазига ҳужумчи харид қилди?!  10 16:53EЧЛ умумий босқичи тақвими: ўйинлар 16 сентябрдан 28 январгача бўлиб ўтади. "Реал" "Атлетико" билан дербидан 2 кун ўтиб, 30 сентябрь куни "Қайрат" меҳмони бўлади  10 15:2240 ёшли Роналду Португалия терма жамоасига чақирилди. Бруно, Феликс, Витинья, Далот ҳам рўйхатда  1 14:48Катта футболга йўл очувчи мусобақа — УЕФА Ёшлар Лигаси: "Қайрат" илк бор ЕЧЛда қатнашади  3 14:41Расман: Нкунку "Челси"дан "Милан"га ўтди  2 14:12"Байер" 30 миллион евролик трансферни амалга оширмоқда  0 13:31"Бавария" Жексонни 65 млн еврога сотиб олиш ҳуқуқи билан 15 млн еврога ижарага олади. Мюнхенликлар "Челси" билан келишиб олди  3 12:45Ўзбекистон терма жамоаси октябрь ойида Малайзияда Уругвай билан ўйнайди   14 12:38"Боруссия" футболчисини 52 млн еврога сотмади  0

“Локомотив” ва “Флитвуд Таун” ҳамкорлиги янги босқичга чиқади Новости

“Локомотив” ва “Флитвуд Таун” ҳамкорлиги янги босқичга чиқади

Хабарингиз бор, 2015 йилда Тошкентнинг “Локомотив” ҳамда Англиянинг “Флитвуд Таун” клублари ўртасида ўзаро ҳамкорлик меморандуми имзоланган эди.

Шунга асосан инглиз клуби билан бир қатор йўналишларда яқиндан хамкорлик қилиш бўйича келишувга эришилганди.

Натижада даставвал “Локомотив” тарбияланувчилари бўлмиш Сергей Прохоров ва Рустам Нортожиев “Флитвуд Таун” клубида 3 ой малака ошиб қайтишган эди. Яқинда “Локомотив”нинг навбатдаги ёш футболчилари инглиз клубида тажриба тўплаш учун йўл олишди. Ёш истеъдод эгаси Хурматбек Йўлдошев ҳамда “Флитвуд Таун” жамоаси мураббийлар штабининг илтимосига кўра иқтидорли дарвозабон Рустам Нортожиев яна бир бор инглиз клуби машғулотларида иштирок этиб, мазкур жамоа сафида учрашувларда майдонга тушиш имконига эга бўлишади.


Қайд этиш жоизки, ушбу икки ёш футболчилар билан биргаликда Англияга йўл олган “Локомотив” ПФК расмий делегацияси “Флитвуд Таун” жамоаси вакиллари билан бир қатор масалалар бўйича фикр алмашди ҳамда ўзаро ҳамкорликни янада ривожлантириш борасида музокаралар олиб борди.


Секин-аста ўз тарбияланувчиларини таркибга жалб этиш борасида иш олиб бораётган “Локомотив” футбол клуби келажакда барпо этиладиган футбол академиясини айнан “Флитвуд” билан ҳамкорликда йўлга қўйишни мўлжалламоқда. Шу боисдан ушбу ташриф мобайнида “Флитвуд Таун” академияси раҳбари Кияран Доннелли билан футбол академияси тузилиши, иш тартиби, шунингдек, у ерда таҳсил оладиган ёш ўйинчиларга яратиладиган шароитлар хусусида суҳбат қурилди.

Қолаверса, “Локомотив” делегацияси вакиллари “Флитвуд”да мухлислар билан ишлаш, маркетинг, ўйинни реклама қилиш каби соҳалар билан яқиндан танишиш имконига эга бўлишди.

Шунингдек, ўзаро ҳамкорлик доирасида “Локомотив” футбол мактабининг ёш тарбияланувчилари келаси йили ёзда Англияда ташкил этиладиган халқаро мусобақа иштирок этишлари келишиб олинди. Ушбу мусобақада Перу, Мексика, Боливия, Голландия, Ирландия, Англия, Швеция, Франция, Ирландия ҳамда Ўзбекистон клублари иштирок этиши кўзда тутилган.


Рейтинг: +11   

Комментарии

championat.asia
< посмотреть последние новости
Яндекс.Метрика