RU

Последние новости

21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  0 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  1 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  1 19:39"Челси" собиқ футболчиси фаолиятини "Севилья"да давом эттиради  0 19:12Саудия Арабистони клуби Грузия терма жамоаси ҳужумчиси учун 40 миллион евро тўламоқчи  0 18:39Аморим "Гримсби" билан ўйиндан кейин истеъфога чиқмоқчи бўлганини айтди  2 18:08"Милан" "Манчестер Сити" ҳимоячиси билан шартнома имзоламоқчи  0 17:39Конференциялар Лигасининг асосий босқичига қуръа ташлаш натижалари эълон қилинди  0 17:15"Манчестер Юнайтед"нинг баъзи футболчилари Аморимнинг тактикасига шубҳа билан қарамоқда  12 16:50Европа Лигасига қуръа ташланди  4 16:26"Ньюкасл" "Барселона" ярим ҳимоячиси учун 100 миллион евро тўлашга тайёр  11 15:58Родриго "Реал"да қоладими?  3 15:28"Арсенал" "Байер" футболчисининг трансферини якунлади  4 14:57"Ал Иттиҳод" Педро учун 35 миллион евро таклиф қилди  6 14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  1

"Локомотив" ўринбосарлари биринчи давранинг қолган бешта ўйинида ғалаба қозонишга ваъда беришди Новости

"Локомотив" ўринбосарлари биринчи давранинг қолган бешта ўйинида ғалаба қозонишга ваъда беришди

Ёшлар лигасида қатнашаётган "Локомотив" ўринбосарларининг бу йилги иштирокини зўр деб бўлмайди.
Ёшларимиз ортда қолган 10та тур натижаларига кўра, 11 очко билан 12-ўринда боришяпти. Жамоа учта учрашувда ғалаба қозонган бўлса, икки бор дуранг ўйнади ва беш марта мағлубиятга учради.

Айниқса, ўринбосарларимизнинг ўз майдонида энди бу йил олий лигага чиққан "Қўқон-1912"га мағлуб бўлиши кўпчиликка алам қилди. Негаки ёшларимиз 1:0 ҳисобида олдинда бораётиб кейинчалик иккита тўп ўтказиб юборишди. Натижада орадан кўп ўтмай, "Локомотив" ПФК раҳбарияти ўринбосарлар жамоаси билан учрашиб, ўзига хос йиғилиш ўтказди.

Йиғилишни "Локомотив" ПФК Бош директор ўринбосари Тўлабек Акрамов, клуб спорт директори Равшан Муқимов ҳамда жамоа бошлиғи Қобил Юнусов олиб боришди. Йиғилишда шунингдек, ўринбосарлар жамоаси бош мураббийи Руслан Аҳмедхонов, катта мураббий Константин Кузнецов, мураббий Вадим Валицкий ҳамда "Локомотив" болалар-ўсмирлар футбол мактаб директори Эркин Саидов иштирок этишди.

Йиғилишда дастлаб "Локомотив" ПФК Бош директор ўринбосари Тўлабек Акрамов сўз олиб, ўринбосарларимиз кўрсатаётган натижалар клуб раҳбариятини умуман қониқтирмаётганини айтиб ўтди. "Жамоамиз ўринбосарлари олдига қўйилган мақсад битта: яхши ўйин кўрсатган ҳолда асосий таркиб бош мураббийи эътиборини қозониш ҳамда асосий таркибга ўтиш. Бунинг учун футболчида характер шаклланиши лозим. Бизнинг ёшлар жамоамизда эса мана шундай характер кўзга ташланмаяпти", - дея таъкидлади. Т.Акрамов.
Йиғилиш давомида ўринбосарлар таркибида тўп тепаётган бир нечта футболчига клуб раҳбарияти томонидан жиддий эътирозлар бўлди. Хусусан жамоа сардори ва ҳужумчиси Темур Усмоновнинг гол ура олмаётгани (ваҳоланки, у ёшлар терма жамоамизга номзод ҳисобланади), ярим ҳимоячи Хумоюн Абдуалимовнинг мураббийларга гап қайтараётгани, Орифхўжа Абдухолиқовнинг эса доим нимадандир айб топиши (у гол уриши учун вақт етмаётган экан) кескин танқид остига олинди.

Тўлабек Акрамов футболчиларнинг жисмоний тайёргарлигига алоҳида тўхталиб, бу борада ҳам жиддий ишлаш кераклигини айтди. "Ёшлар жамоамизда ўйинчиларнинг жисмоний ҳолати кўнгилдагидек эмас. Футболчилар тез чарчаб қолишяпти. Демак, футбол мактабимиз мураббийлари бунга етарлича эътибор беришмаяпти. Футболчи жамоавий машғулотдан ташқари индивидуал тарзда ҳам ишлаши, ўз танасини доим чиниқтириб бориши лозим. Қайсидир футболчи бундан кейин машғулотга кеч қолса ёки узрсиз сабабга кўра келмаса, клуб томонидан жаримага тортилади. Ёшларимизда аввало жамоавий характерни шакллантириш лозим, шундагина улардан ижобий натижани кутсак бўлади" - дейди Т.Акрамов.

Йиғилишда "Локомотив" ПФК спорт директори Равшан Муқимов ҳамда жамоа бошлиғи Қобил Юнусов ҳам сўзга чиқиб, ўринбосарларимиз намойиш этаётган ўйин борасида ўз фикрларини баён этишди. Асосий эътироз барибир футболчиларнинг ўзига бориб тақалди. Маълумки, биринчи давра тугашига яна бешта тур қолди. "Локомотив" ўринбосарлари қолган ўйинларни сафарда "Бухоро", "Шўртан" ва "Машъал", уйда эса "Қизилқум" ҳамда "Навбаҳор"га ўтказишади. Футболчиларимиз мана шу ўйинларнинг ҳаммасида ғалаба қозонишга ваъда беришди. Берилган ваъдани бажариш масъулияти эса ўринбосарлар жамоаси мураббийлар штабига юклатилди.

"Локомотив" ПФК матбуот хизмати
Рейтинг:    

Комментарии

championat.asia
< посмотреть последние новости
Яндекс.Метрика