“Локомотив” машғулотларни давом эттиряпти, Тўхтахўжаев югуришни бошлади

Бугун куннинг илк қисмида футболчиларимиз тиббий кўрикдан ўтишди. Тушдан сўнг эса “Локомотив” стадионида машғулот ўтказилди. Машғулот жараёнида терма жамоа ихтиёрида бўлган футболчилардан бошқа барча иштирок этди. Саламат Қутибоев ҳамда Икром Алибоевлар секин-аста умумий машғулотларда қатнаша бошлашди. Сергей Прохоров ҳам жамоа машғулотларига қўшилди. Қолаверса, жароҳатини даволаётган Ислом Тўхтахўжаев бугундан енгил югуришни бошлади.