"Локомотив" бугун Украина клуби билан ўйнайди
04 фев 2018 12:14
Новости

"Локомотив" бугун Украина клуби билан ўйнайди

Туркияда иккинчи хориж йиғинини давом эттираётган "Локомотив" бугун мазкур йиғин доирасидаги сўнгги назорат беллашувини ўтказади.

"Темирйўлчилар" жамоасига Украинанинг "Олександрия" клуби рақиблик қилади. Мазкур жамоа шу номдаги шаҳар шарафини ҳимоя қилади. Сўнгги йилларда ўз натижаларини яхшилаб келаётган "Олександрия" охирги 2 мавсумда Европа Лигаси мусобақаси саралаш босқичларида иштирок этди. Ўтган йилги мавсумни эса ўз чемпионатида 5-поғонада якунлади.

"Локомотив" - "Олександрия" учрашуви бизнинг вақт билан соат 19:30 да старт олади.