"Ливерпуль" "Сити"га қарши. Англия Суперкубоги превьюси

Лондондаги "Уэмбли" стадионида ўтган мавсум Англия премьер-лигаси чемпиони "Манчестер Сити" клуби вице-чемпион "Ливерпуль" билан мамлакат Суперкубоги учун кураш олиб боришади.

Мартин Аткинсон бошқариб борадиган учрашув Тошкент вақти билан соат 19:00да бошланади. Қизиқарли кечиши кутилаётган баҳс championat.asia сайти орқали матнли трансляция қилинади.

Англия Суперкубоги-2019
"Ливерпуль" – "Манчестер Сити"
4 август, 19:00, Лондон. "Уэмбли" стадиони.
Бош ҳакам: Мартин Аткинсон
Трансляция: "Futbol TV"


Тахминий таркиблар:

Ливерпуль: Алиссон – Александер-Арнольд, Гомес, ван Дейк, Робертсон – Хендерсон, Фабиньо, Кейта – Салах, Фирмино, Шакири

Манчестер Сити: Эдерсон – Уокер, Отаменди, Стоунз, Зинченко – де Брюйне, Родри, Давид Силва – Бернарду Силва, Агуэро, Стерлинг.

Йўқотишлар: Натаниэль Клайн, Садио Мане - Рияд Маҳрез, Бенжамин Менди, Эмерик Ляпорт.

Мураббийлар нима дейди?

Юрген Клопп ("Ливерпуль"):

"Агар бу мусобақа ҳеч нимани ҳал қилмаса, унда нима учун унда майдонга тушаяпмиз? Нима учун уни бекор қилиб қўя қолмаймиз? Германияда беш марта Суперкубокни ютганман – буни ҳеч ким эсламайди ҳам. Одамлар доим бир хил гапиришарди: "Ахир бу шунчаки Суперкубок-ку".

Пеп Гвардиола (Манчестер Сити):

"Ўтган мавсум деярли барча совринларни ютгандик. Эсда қоларли воқеа эди. Энди биз барчасини бошидан бошлашимиз керак. Барча футболчилар, Фернандиньодан ташқари, клуб ихтиёрига қайтишди. Якшанба кунги баҳсда майдонга мавсумолди йиғинда кўпроқ ўйнаганлар тушишади, сабаби улар яхши спорт формасида".