“Ливерпуль” "Реал Сосьедад" ярим ҳимоячисини ўз сафига қўшиб олмоқчи

“Ливерпуль” устози Юрген Клопп жамоанинг марказий ярим ҳимоясини кучайтирмоқчи. Аввалига мерсисайдликлар “Боруссия Д”нинг иқтидорли футболчиси Жуд Беллингемга қизиқаётганди, аммо унинг трансфер нархи анча қиммат (120 млн евро) бўлгани туфайли Мерино варианти кўриб чиқиладиган бўлди.

25 ёшли испаниялик жорий мавсум клуб либосида 17 ўйинда қатнашиб, 3+4 натижа қайд этиб турибди. Футболчи 2018 йилдан бери "Реал Сосьедад" шарафини ҳимоя қилади. Унинг клуб билан амалдаги шартномаси 2025 йил ёзигача мўлжалланган, трансфер нархи эса 40 млн еврога баҳоланмоқда.