"Ливерпуль" Амрабат учун курашга қўшилди

Жуд Беллингем ва Кайседо қаторига энди Марокаш терма жамоаси юлдузи Софьян Амрабат қўшилди. Мерсисайд клуби билан бир қаторда Премьер-лиганинг кўплаб жамоалари Амрабатнинг ҳаракатларини кузатиб боришмоқда. 

26 ёшли футболчи Марокаш термаси таркибида Қатардаги мундиалда ажойиб ўйин кўрсатмоқда ва мамлакати термасининг кейинги босқичга чиқишида муносиб ҳисса қўшди.

Эҳтимолий келишув борасида ҳали музокаралар бошланмаган бўлса-да, агар маош борасида футболчини рози қилишса, Амрабат амалдаги клубини тарк этишга қарши эмас. Унинг "Фиорентина"дан кетиш баҳоси 30 млн евродан ошади. Амрабат Виоланинг асосий ўйинчиларидан бири ҳисобланади. А Серия клуби футболчиси билан 2024 йилга қадар тузилган шартномага эга. Шу туфайли улар январь ойида тушадиган таклифларни қабул қилмаслиги мумкин.

Софьян Амрабат ярим ҳимоячи излаш билан банд бўлган Юрген Клопп шорт-листига кирган энг сўнгги футболчи бўлиб турибди.