“Ливерпуль” 7 йил деганда “Челси”ни ўз майдонида мағлуб этди

Кеча “Ливерпуль” “Челси”ни АПЛнинг 34-тури доирасида ўз майдонида қабул қилиб, 2:0 ҳисобида ғалаба қозонди. Натижада “қизиллар” 7 йиллик нохуш анъанага якун ясади. Қизиғи “Ливерпуль” “Челси”ни барча мусобақаларни ҳисобга олса, 5 та ўйиндан бери (2 та мағлубият, 3 та дуранг) мағлуб эта олмай келаётганди. “Ливерпуль” сўнгги бор Лондон клубини сафарда 2016 йил сентябрида 2:1 ҳисобида ютган эди.

 “Энфилд”да эса “қизиллар” “аристократлар”ни сўнгги бор 2012 йил майида мағлуб қилганди. Шундан бери “Челси” 3 та ўйинда ғалаба қозонган бўлса, 5 та ўйинда дуранг қайд этилган.