Лионель Месси: "Севилья"ни мағлуб этиш учун юқори даражада ўйнашга тўғри келди"
24 фев 2019 00:08
Новости

Лионель Месси: "Севилья"ни мағлуб этиш учун юқори даражада ўйнашга тўғри келди"

"Барселона" сардори Лионель Месси "Севилья"га қарши учрашувдан (4:2) сўнг фикрлари билан ўртоқлашди.

Хабарингиз бор, аргентиналик хет-трикни расмийлаштирди ва голли узатмани амалга оширди.

"ЛаЛигада пешақадам бўлиб турибмиз. Лекин, бугунги ўйинда ютиш ва масофани сақлаб қолиш муҳим эди. Чунки, энди ҳар бир турда ғалаба қозониш қийин бўлиб бораверади.

Меҳмонда "Севилья"ни мағлуб этиш ҳар доим оғир. Биз юқори даражадаги супер ўйин кўрсатишимиз керак бўлди ва бу осон кечмади. Энг юқори даражада ўйнамаганимизда, энг яхши ўйинимизни кўрсатмаймиз. Агар ўйинимиз чиқса, гол уриш осонроқ бўлади.

Бугун ўз даражамизга қайтдик ва яхши ўйин ўтказдик. Ҳозир бизни Кубок ўйини кутмоқда. Кейинга босқичга чиқиш учун ғалаба қозониш керак. Мадридда мезбонларга қарши ўйин қийин бўлишини биламиз. Аммо, барча мусобақаларда ғолиб бўлишни истаймиз, – деди Месси beIN Sports эфири пайтида.

Ссылка :

Источник : twitter.com/elchiringuitotv

Получайте новости прямо в Telegram!

Рейтинг: +30