Левандовски Россия терма жамоасига қарши асосий таркибда майдонга тушмайди
31 мая 2021 19:54
Новости

Левандовски Россия терма жамоасига қарши асосий таркибда майдонга тушмайди

Польша терма жамоаси ҳужумчиси Роберт Левандовски Россияга қарши ўртоқлик учрашувида асосий таркибда майдонга тушмайди. Бу ҳақда Польша терма жамоаси бош мураббийи Паулу Соуза матбуот анжуманида маълум қилди.

Польша ва Россия терма жамоалари ўртасидаги учрашув 1 июнь куни Вроцлавда бўлиб ўтади. Ушбу ўйин иккала жамоа учун ҳам Европа чемпионатига тайёргарлик босқичини ўтаб беради.

"Роберт учрашувнинг илк дақиқаларидан майдонга тушмайди. Яқинда якунланган мавсум ва енгил жароҳатини инобатга олган ҳолда, биз уни асосий таркибда ўйинга туширмоқчи эмасмиз", — дейди Соуза.

32 ёшли ҳужумчи ушбу мавсумда Герд Мюллернинг голлар сони бўйича рекордини янгилади, "Бавария" футболчиси 29 ўйинда 41 та гол урди. Шунингдек, у фаолияти давомида илк марта Европанинг энг яхши тўпурарига бериладиган "Олтин бутса" мукофотини қўлга киритди.