Левандовски: "Мбаппенинг "Реал"га келишидан қўрқмаймиз"
23 мая 2024 23:20
Новости

Левандовски: "Мбаппенинг "Реал"га келишидан қўрқмаймиз"

"Барселона" форварди Роберт Левандовски ПСЖ футболчиси Килиан Мбаппенинг "Реал Мадрид"га келиши тўғрисида фикр билдирди.

Польшалик ҳужумчи азалий рақибларининг кучайишидан чўчимаслигини айтди.

"Мбаппенинг Испания пойтахтига келиши расман маълум қилинмади, лекин ҳамма йўллар "Реал Мадрид"га олиб боради. Қўрқувми? Йўқ, албатта, Мбаппе ақл бовар қилмайдиган футболчи ва у "Реал"га ўтса, жамоани янада кучайтириши аниқ. Лекин бизнинг менталитетимиз шундай бўлиши керакки, рақибда қанчалик яхши ўйинчилар бўлмасин, агар биз бир жамоа бўлиб, биргаликда ҳаракат қилсак, рақибни мағлуб эта оламиз. Биз илк ўйиндан ва дастлабки дақиқалардан бунга тайёр бўлишимиз керак, чунки "Реал Мадрид"га яхшиланиш учун, албатта, вақт керак бўлади, улар мавсум бошида яхши ўйнамайди ва очко йўқотади, биз бундан унумли фойдаланишимиз керак", — деди Левандовски.

Ссылка :

Источник : Marca

Получайте новости прямо в Telegram!

Рейтинг: +7